Ուկրաինացի տատիկը որոշել է թալանել Օդեսայի մարզի Սարատ ավանի բանկը, որպեսզի ձմեռվա համար վառելափայտ գնի:Թոշակառուն մտել է բանկային բաժանմունք, ուր սովորաբար թոշակ են ստանում: Աշխատակցին մի գրություն է մեկնել` իրեն 300 հազար գրիվեն (37 500 ԱՄՆ դոլար) տալու պահանջով, հակառակ դեպքում սպառնացել պայթեցնել ինքնաշեն ռումբը:
Կողոպուտի փորձի մասին հայտարարել է Օդեսայի ոստիկանության մամլո ծառայությունը: Ողջ կատարվածի զվարճալիությունը խտացնում է այն փաստը, որ իր գրության մեջ տատիկը նշել է, թե ինչ դրամական միավորներով իրեն հանձնեն գումարը. մի մասը` 1000 գրիվեն միավորով, ի դեպ,այդպիսին ընդհանրապես գոյություն չունի:
Գանձապահի արձագանքը եղել է ընդամենը տագնապի կոճակ սեղմելը: Բանկի ղեկավարությունն իսկույն հեռացրել է բանկի այցելուներին` թալանչի տատիկի հետ միասին: Տեղ հասած միլիցիայի աշխատակիցները հայտնաբերել են կասկածելի մի սարքավորում` պահածոյի դատարակ տուփ` փաթաթված փայլաթիթեղով: Միայն հաջորդ օրը, դիտելով տեսախցիկների արձանագրած նյութը, պարզել են տատիկի ինքնությունը: Իր արարքը նա բացատրել է «փայտի ու ածուխի համար փողի քչությամբ»:
Ներկայումս տատիկը հոգեբուժական կլինիկայում հետազոտվում է: Նրա արարքը զարմացրել է տեղաբնակներին, որոնք 61-ամյա կնոջը բնութագրում են որպես հանգիստ ու խաղաղ բնավորության տեր մարդու: Քրեական գործ հարուցելու համար սպասում են բժշկական հետազոտության արդյունքներին, բացատրել են տեղի ոստիկանությունում:
Комментариев нет:
Отправить комментарий